Plantun de Prouvènço

Pèr coumpara dos planto d'encò nostre

Carex panicea & Rumex cristatus

Queirello(-faus-mi)

Carex panicea

Cyperaceae

Àutri noum : Moutouso, Sagneto.

Noms en français : Laîche bleuâtre, Laîche faux panic.

Descripcioun :
Poulido queirello que trachis dins li relarg bagna en mountagno o dins li palun. Es uno planto que fai un rizoumo d'ounte sorton lis espigo e de fueio verdalo qu'embrasson proun la cambo. I'a uno espigueto masclo (en aut) e 1 à 3 espigo femello pas trop sarrado e emé un long pecou. Lis utriculo de 3 à 4 mm, soun claro emé un bè forço court. I'a tres estigmato (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40(50) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 15 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Prado umido - Ribiero - Palun
Estànci : Mesoumediterran à Subaupen
Couroulougi : Éurosiberiano
Ref. sc. : Carex panicea All., 1785

Paciènci(-à-cresto)

Rumex cristatus

Polygonaceae

Noms en français : Patience à crêtes, Rumex à crêtes.

Descripcioun :
Aquesto paciènci es uno grando erbo di làrgi fueio en cor à la baso emé d'enflourejado longo e denso. Es uno planto que nous vèn di Balkan. Se recounèis bonodi si valvo tant larjo que longo (5 à 8 x 5 à 8 mm) e qu'an uno pichoto cresto.

Usanço :
Li fueio de la paciènci-à-cresto soun acampado e manjado dins soun pais d'óurigino (Grèço, Sicilo, Turquìo...). Jouino, li fueio podon èstre manjado cruso, mai pu vièio, soun proun amaro e li fau faire bouli (poussible emé de la). Ramentan que faudrié pas trop n'en manja malodi l'acide óussali.